國慶吉隆坡-槟城-蘭卡威7天自由行:含酒店、行程、交通、美食攻略
從5月開始就密謀馬拉遊,到左10.1日果時好興奮吖,我未試過自己既國外遊一手包辦,仲有幫我幾個朋友訂機票吖,訂房吖,做導遊添,首先講下我既行程先:10.1晚上9點50分澳門飛吉隆坡,到達約零晨1點40分,票價:656蚊,吉隆坡飛槟城,票價:130蚊,槟城坐船到蘭卡威,票價:60蚊,蘭卡威飛吉隆坡,票價:140蚊,吉隆坡飛香港,票價:548蚊,全程交通費用合計:1534蚊/人。
住宿:10.1晚系機場,10.2-10.3晚住槟城,費用:100元*2晚,共200蚊/人,10.4号坐船到蘭卡威,費用:100蚊/人,10.5蘭卡威另一酒店,費用:100蚊/人,10.6住吉隆坡,110蚊/人,10.7日吉隆坡飛香港。住宿費用共:510蚊/人。
10.1 首先三人從廣州南站坐和諧号到珠海北,我就系澳門等距地,我地一共五個人,我同我一個朋友一隊,另外三個一隊,各自到澳門機場集中,我地大概晚上6點到澳門,其實去既過程中有少意外,好彩都趕得上,如果吾系就遲到喇,大概到機場系晚上8點鐘,然後食下也,休息下等上機咯。 10.2 1點40分到達LCCT機場,呢個機場真系好殘舊下咯,因為今日系坐7點10分飛槟城既飛機,所以我地為有系呢個機場度逗留5個鐘,好彩大家都有準備好報紙吖,同埋圍巾,當然吾少得我既頸枕同眼罩喇。
終于上機喇,大概坐左一個鐘就到槟城喇,落機後,首先就系去ATM羅馬币先,因為系廣州都兌換吾到馬币,而且呢度用銀聯卡羅400,系直接出馬币,手續費32.47蚊人仔,人民币系735.64蚊,然後系機場門口我朋友買左張電話卡,50馬币,可以上網一周及有20元電話費,開頭系打算坐巴士,但覺得麻煩,所以就包左部車,RM65五個人,接送我地去酒店同埋車我地去食飯同景點甘。
系飛機上見到天空剛天光既時候,好靓吖
槟城機場既出奇蛋
去酒店途中随拍既槟城
我地既酒店就系呢度4樓,行到我地死死下,好彩有司機吳大叔幫手。(所以聽晚我地就改訂另外一間酒店)
系酒店放低行李後,吳司機就車我地去槟城大橋,同埋去光大汽車站附近食槟城特色稞條,其實就系米粉黎者,或者廣府炒,福建炒吖甘,我食呢個系炒米粉,距既味道系吾錯既都,而且好鬼平,先5RM咋。涼茶冰就1.7RM。
食完之後,我地就随便系周圍行下,如果有需要,再打電話給司機接我地,槟城既建築物都好似60,70年代既環境甘,俾我一種好懷舊既感覺,然後我地去到一間餅店,好古老既裝修,仲聞到好香既蛋撻味吖,所以點都要入去試下,仲有好可愛既豬仔包。
小夥伴們(左起:小茵,小霞,淩凱,yian)就買左幾個蛋撻坐落黎,懷舊懷舊下。
跟住行過馬路,我查左查地圖,呢度系鐘樓,同埋光大廣場,附近有水上屋,周橋,之前阿牛系度拍攝過電影系呢度取景,所以我地就沿路問人,好彩個個人都系講華語既,好快,我地就黎到周橋喇。周橋俾我感覺好似泰國既杜拉拉水上街市,住既系水上屋,然後行到橋頭,會見到好靓既大海。
槟城海景
系度扮開摩托車,我無牌架~
好哂吖,我要摘左個太陽落黎,吾系哂死了。不過好彩距哂得黎,有風,吾算熱。
原黎阿牛果出電影叫初戀紅豆冰,哈哈
系周橋上邊好多小商鋪
周橋裡既屋全部都系甘樣,呢間算大間喇。仲有個陽台,夜晚坐系度吹住海風,真系舒服。
兩個望海既少女
由周橋出黎會見到好多橋,都系甘上下,無乜太大分别,然後我地就行去光大廣場,坐公交車,去升旗山同埋極樂寺。
部車無乜人,我地幾個包車
雖然吾多錢,但都系甘2哂一哂喇。
升旗山門口
槟城街景
因為我地坐既車,系經過極樂寺,再轉204号車到升旗山總站,所以就系附近随意走走拍拍咯。極樂寺大家都無乜興趣入去,同埋槟城周圍好多印度廟吖,清真寺之類,我都分吾清乜廟打乜廟喇,所以就系事但影一影相,然後就到系車站等車,等左差吾多成大半個鐘,就出現204,就嗱嗱聲上車,因為系車站果度好鬼熱吖,又大塵添。
等車等到悶,自娛自樂下(望右邊鏡頭)
甘耐都仲未有車架。(望左邊)
大概坐左20分鐘車,就到升旗山喇,門票30RM,如果系本地人就8RM,相差甘多,門票系包括來回纜車上山。
升旗山門口
入去後既會見到一D介紹同埋曆史物品
上到山喇,大家合影(左起:小菜,淩凱,小霞,小茵)
升旗山上大合照(終于齊人:小霞,小菜菜,yian,淩凱,小茵)
到我整張單人相喇
山上有座印度廟
大概行左二個鐘左右,太陽伯伯都準備落山了,所以我地都跟住距落山喇。
準備坐纜車落山
纜車軌道
下山後,這裡有直達車到我們酒店,所以就沒有打電話給司機接我們,行左一日,大家都好攰咯,我就即刻取消聽晚住宿,轉去另外一間。就系光大廣場附近的。因為吳司機幫我地訂左早上8點15分到蘭卡威既船,所以聽日距7點鐘就黎接我地喇,食完早餐,再去碼頭。 排隊入閘 大概坐左3個幾鐘頭,落船喇,去到都已經12點喇,所以要穩酒店放低行李先,蘭卡威呢度全部講馬拉話或者英文,我地就識簡單既,系甘既情況下,我通常系俾距睇我地酒店既地址,然後距直接送我地去,呢度全部系七座的士車,3RM一位,上齊就開車,分别送到吾同酒店。
船倉入邊既環境,船隻雖少,有兩層,大概可以坐200多人,空調好勁,凍到我咩甘,有圍巾都頂吾順。
我地今晚就系住呢間酒店
系酒店出黎就好似系條食街甘,有各式各式既廣東菜,四川菜等。我地就系對面既一家廣東菜餐館食,呢度既老闆仲系廣東人黎既添。
今餐系我地黎左甘耐馬拉最貴既一餐,380RM一共,最貴就系老虎蝦,其餘既都吾算好貴。
食完飯就系附近行一行,睇下呢度既環境,夜晚我地就行左瓜埠既超級市場掃完貨之後,其餘三個同志話好攰,所以我就同我朋友兩個人去巨鷹廣場喇。
好神似吖呢張,所以一定要發出黎,哈哈哈
10.5 我地叫酒店老闆幫我訂左出海,蘭卡威四個海島遊,鷹島,濕米島,孕婦島吖仲有吾知乜島,哈哈,吾系好記得喇。總之就280蚊馬币五個人,因為今晚既酒店,距離珍南海灘有D遠,所以就無去到果度咯,可惜。
一大早到碼頭,幾位小夥伴正在等出海
一大早到碼頭,等出海,我果時其實好眼訓架......ZZZZZ
大概開左20分鐘左右,上第一個島
大概40分鐘左右,我地就上船到另外一個島喇。應該叫濕米島吧,發覺每個島,都有好多猴子,距地偷也食既技術一流。
沿山路行落去,好似深谷甘,哇,好清涼,好舒服吖,即時落去浸下腳先。
岩系浸腳果時識到個馬拉華橋,又系肥妹仔一名,所以就黎張大合照喇。
海島遊完,番酒店執好行李,就搬去另外既新酒店,呢度系距離機場20分鐘,所以就訂左呢度喇。呢間酒店内周圍有好多貓貓架,有隻貓隻腳跛左,好可憐,但距好癡人,同好為食架,成日想跟埋我地入房,叫我地俾也距食,加上,距地好鬼瘦,我林都系流浪貓咯,唉。
酒店内周圍好多貓仔
入住後,我地放低行李又去穩也食喇,然後途經一間五星級酒店。系網上睇,呢度住一晚480蚊,如果吾系要走,真想系度住一晚,豪一豪距,哈哈。
10.6 下午1點半飛機,所以我地早上11點就約車到機場喇。蘭卡威再見喇。
飛機上望落去,蘭卡威好靓
呢個時間都無乜人坐飛機
10.6 下午2點多,我地又飛回吉隆坡LCCT機場喇,今晚吾使系度訓喇,坐star bus坐到吉隆坡市中心,再有接駁的士車我地到酒店,我地既酒店系唐人街附近,放低行李後我地就坐輕軌去地标雙子塔。
行完雙子塔都已經系晚上11點幾喇,好彩趕得切坐輕軌,吾系既話,打的既話驚俾人昆,又吾識語言,比較麻煩,同埋吾見有唐人開車。
吾知點解,後邊果位外國人既眼神好驚吓甘,我系度映相,吓親距麼??55555555
落輕軌後,步行酒店大概15分鐘喇,但系夜晚,我地蕩失路,行左成40幾分鐘先到酒店,攰死我喇。
番到酒店已經成12點幾,然後沖埋涼都點幾兩點喇,聽日系下午16點40分飛機,所以執好哂D也,就訓到聽日自然醒。
10.7 10點起身,食完早餐亦同時系午餐喇,系周邊行左行,大概12點半左右就出發到機場喇。
就甘,國慶七日話甘快就結束了,隻可惜系時間吾夠,系吉隆坡隻逗留一日,獨立廣場吖,舊火車站吖等都未去,仲有雲頂吖,所以下次有機會再黎。
不好意思,比較忙,而家才複你~槟城我住系升旗山附近,不過住系光大既都可以,蘭卡威住貝拉展望酒店,而家好平,2百多一晚吧,之前要480的,吉隆坡就系找當地華僑李生訂的,你加他V号:aillip,可以叫他接你去,酒店都幾幹淨,同夠安全,附近好多也食